Gjykata e Durrësit ka caktuar masën e sigurisë “arrest në burg” ndaj Klodian Berishës dhe Erion Ndonit, të cilët akuzohen për kontrabandë me mallra të tjera.
Që të dy akuzohen se janë të përfshirë në vrasjen e Ermir Dedjas në Durrës, ngjarje e ndodhur 20 Maj, pasi kanë futur në Shqipëri automjetin që u përdor gjatë vrasjes së Ermir Dedjas.
Automjeti tip Seat u fut në Shqipëri dhe më pas u shit, e u përdor në vrasjen e 20 Majit.
Për këtë arsye ata akuzohen për kontrabandë me mallra të tjera.
Në fakt, Klodian Berisha dhe Erion Ndoni futën dy automjete Seat në Shqipëri. Edhe mjeti tjetër është gjetur, dhe sipas hetuesve, do përdorej në një tjetër ngjarje kriminale.
Për zbardhjen e vrasjes së 29-vjeçarit Ermir Dedja, janë duke u ndjekur disa pista.
Hetuesit janë duke verifikuar tek e shkuara e të riut, për të gjetur të dhëna që mund ti ndihmojnë.
Ermir Dedja rezulton personazh i njohur për policinë.
