Sokol Cikalleshi nuk është më pjesë e Konyaspor në Turqi.
Lajmin për largimit e sulmuesit shqiptar e ka konfirmuar vetë klubi turk nëpërmjet një postimi në faqen zyrtare.
34-vjeçari del lojtar i lirë në merkato dhe tani është në kërkim të një skuadre të re, për të vazhduar karrierën e tij.
Sulmuesi nga Kavaja, u bashkua me Konyaspor në vitin 2020 dhe nga ajo kohë numëron 104 ndeshje të luajtura dhe 30 gola të shënuar. Cikalleshi u bë lojtari i huaj me më shumë gola në Superligën turke, për Konyaspor.
“Dëshirojmë të falenderojmë Cikalleshin, i cili ka mbajtur veshur fanellën e skuadrës sonë që nga sezoni 2020-21, i cili ka marrë titullin ‘Golashënuesi më i mirë i huaj në Super League’, në emër të Koniaspor për të gjithë kontributin e dhënë për klubin tonë. I urojmë suksese në karrierë Sokolit, i cili djersiti fanellën jeshilbardhë për 111 ndeshje”, njofton klubi në faqen zyrtare.
Kujtojmë se sulmuesi pak ditë para nisjes së Europianit, njoftoi tërheqjen nga Kombëtarja shqiptare.
