Kryeministri, Edi Rama ka komentuar sot në “Facebook” përgjigjen e Komisionit të Venecias për ligjin e “vettingut” ku shkruan se “PD pretendon përsëri se ka një përkthim ekskluziv të sajin për Venecian. Në fakt Venecia ka konfirmuar pa rezervë Ligjin e Vettingut. Pikë!”.
Kaq ka mjaftuar që një komentues, t’i shprehet kryeministrit se i vjen turp që e ka votuar dhe se do ta braktisë Shqipërinë me keqardhje pasi sipas tij tek ky vend ka humbur shpresa ndërsa i cilëson gjykatat dhe prokurorinë si bordello. Pas kesaj ka ardhur edhe reagimi i Ramës.
Replikat e Ramës me komentuesit në “Facebook”:
KOMENTUESI 1: Burrdello janë gjykatat e prokuroritë e vendit tonë…
As vetingu nuk ju bën derman. Jan bër mish e thua avokat; prokuror; gjykatës…: Më vjen turp që ju kam votuar juve z.Rama. Thonë se shpresa vdes e fundit. Këto istitucione që përmenda më lart po ma vrasin dhe shpresën përditë. Me keqardhje do e braktis këtë vend që dua shumë.
EDI RAMA: Ah, domethënë të vjen turp që votove për mua që po luftoj “burrdellon”?!
KOMENTUESI 2: PD e di mirë se çfarë po bën, edhe ne e dimë, por çfarë ka në dorë qeveria që ta paranalojë një rrezim të vettingut nga ushtarët e Saliut. Mos harro një fjalë popullore që thotë harbuti e do harbutçe, vetëm ashtu kupton PD.
EDI RAMA: I takon Gjykatës Kushtetuese të bëjë detyrën dhe të respektoje Venecian sepse vetë e pyeti e tani s’ka më asnjë alibi për ta rrëzuar ligjin! Unë uroj që GjK të jetë në lartësinë e detyrës dhe të mbështese popullin jo korrupsionin
KOMENTUESI 3: PD-ja po kapet mbas përkthimit si “i mbyturi mbas fijes së barit”. Shpresojmë qe Gjykatësit e Kushtetueses mos të bëjnë kamikazin duke ndërhyrë ne ligjin e Vettingut. Kam frikë se do rrëzojnë pjesën më të madhe të ligjit të Vettingut duke hedhur në koshin e plehrave Opinionin e Venecias.
EDI RAMA: Unë shpresoj jo, por e gjjthë kjo zvarritje sidoqoftë tregon se sa e vërtetë, e thellë dhe e frikshme është për të korruptuarit kjo reformë!
