Sllovakia ka miratuar një ligj nëpërmjet të cilit synon që të bllokoj islamin të jetë fe zyrtare në të ardhmen e afërt.
Ky vendim ka ngjallë reagime të shumta duke akuzuar pushtetin se po bëhet pjesë e valës anti-islame që ka kapur gjithë Evropën.
Ish-shteti komunisti është përballur me një fluks të madh të emigrantëve, kryesisht mysliman, të cilët kanë mërsyer Sllokavinë si pasojë e marrëveshjes me BE-në për të ndarë numrin e refugjatëve.
Qeveria e kryeministrit Robert Fico ka thënë se Islami nuk ka vend në Sllokavi, raporton Reuters.
Ligji i miratuar është sponsorizuar nga Partia Kombëtare Sllovake, një anëtare e re e koalicionit të Qeverisë Fico.
Ky ligj kërkon që një fe mund të jetë zyrtare në këtë shtet nëse ka të paktën 50 mijë qytetarë të asaj feje.
Më herët është dashur të jenë vetëm 20 mijë për të pasur qasje në fondet publike për subvencione dhe shkolla.
Ndryshimi ligjor do ta bëjë më të vështirë që islami të jetë një fe zyrtare në Sllovaki pasi zyrtarisht janë vetëm 2 mijë qytetarë sllovakt të regjistruar si mysliman. Sllovakia nuk lejon gjithashtu ndërtimin e xhamive. Fondacioni Islamik në Slloveni thotë se në këtë shtet janë më shumë se 5 mijë mysliman.
Por autoritetet qeveritare thonë se islami nuk ka vend në Sllovaki.
“Islamizmi fillon me një qebap gjë që edhe ka ndodhur me disa biznese në Bratislavë, por ne duhet të përgatitemi për pasojat e pas 10 viteve. Duhet të bëjmë gjithçka që asnjë xhami të mos ndërtohet në të ardhmen”, ka thënë Andrej Danko zyrtar i Qeverisë në Sllovaki.
Ligji u miratuar me të dy të tretat e votave dhe kishte përkrahje edhe nga opozita. Nga Partia Popullore e ekstremit të djathtë ishte kërkuar që numri i qytetarëve për ta zyrtarizuar një fe të ishte 250 mijë, por është hedhur poshtë nga ligjvënësit./Insajderi.com
