“Qytete pak të njohur, por që mahnisin me bukurinë e tyre”. Kështu i ka cilësuar Skyscanner, 30 qytete europiane, mes të cilave edhe Beratin, për të cilin shkruan se është një “thesar sekret që të lë me gojë hapur.” Opinion.al, sjell në mënyrë të përmbledhur informacionin për disa nga këto qytete, qe vlejne per t’u vizituar.
Riga – Letoni
Mos u gënjeni nga pamja rustike dhe gotike e rrugëve të heshtura: Riga është një qytet i nxehtë, plot jetë dhe argëtim, me lokale ekstravagante dhe shumë cool, me restorante eksperimentale dhe me një natyrë të mrekullueshme. Jo rastësisht është zgjedhur mes qyteteve më trendy të botës.
Berati – Shqipëri
I njohur edhe si “qyteti i një mijë dritareve”, Berati është një spektakël i vërtetë. Shtëpitë antike të bardha otomane, takohen me lumin dhe ngjiten deri në kështjellën e vjetër duke e bërë qendrën historike një ndërthurje gurësh, muresh të pastra dhe çatish të kuqe, ku mund të humbasësh me kënaqësi. I mbrojtur nga Unesco në vitin 2008, është një thesar sekret që të lë me gojë hapur.
Parma – Itali
Mes qyteteve Universitare më të bukura të Italisë, Parma është një zonë e mrekullueshme, e ëmbël, mikpritëse. Ajo është e vendosur mes kishave me afreske dhe bazilikave me mure të fortifikuara, pallateve fisnike, vilave, teatrove dhe parqeve. Një pjesë e rëndësishme e qytetit janë edhe restorantet e mrekullueshme.
Breslavia – Poloni
Mes shumë mrekullive që ka Polonia, Breslavia zë padyshim një vend nderi. Ky qytet interesant ka një joshje unike, ku arkitektura gërshetohet me lumin dhe 12 ishujt, ndërsa numërohet një numër i lartë aktivitetesh kulturore që mbushin kalendarin e qytetit.
Nida – Lituani
Dikur qyteti i peshkatarëve, përballë gadishullit të mrekullueshëm të Neringas, Nida është sot një qendër turitike dhe kulturore. Plazhe dhe duna me rërë të bardhë , rrethuar nga pyje pishash janë disa km larg qytetit, ndërsa jeta e natës është më në formë se kurrë.
Në listën e qyteteve të tjera, që Skyscanner sugjeron për t’u vizituar qëndrojnë gjithashtu:
Kotor – Mali i Zi
Pirano – Slloveni
Tallinn – Estoni
Vietri Sul Mare – Itali
Mostar – Bosnje
Banska Bystrica – Sllovaki
Ronda – Spanjë
Trani – Itali
Bergen – Norvegji
Aarhus – Danimarkë
Leida – Holandë
Dinant – Belgjikë
Taormina – Itali
Eguisheim – France
Basilea – Zvicër
Gyor – Hungari
Pola – Kroaci
Bacharach – Gjermani
Kromeriz – Republika çeke
Iasi – Rumani
Coimbra – Portugali
Cork – Irlandë
Bonifacio – Korsikë
Bath – Angli
Galaxidi – Greqi
