Dy policë italianë që kanë tentuar të arrestojnë dy shqiptarë që grabisnin banesa në shtetin fqinj, kanë mbetur të plagosur nga përleshja me ta.
Ngjarja në fjalë ndodhi në një zonë të Genova-s. Dy shqiptarët, identiteti i të cilëve nuk dihet, ishin vënë në shënjestër të policisë, pas raportimeve të fqinjëve të tyre për disa vjedhje që kishin ndodhur në këtë zonë. Gjatë operacionit, shqiptarët u ‘suprizuan’ nga karabinierët, ndërsa gjatë tentativës së tyre për t’u arratisur u përleshën me ta, ku njërit prej policëve i thyen dorën, tjetrit gishtin.
‘Ansa’ shkruan se shqiptarët fill pas ngjarjes u larguan prej aty me shpejtësi, në drejtim të një fshati, ndërsa njëri prej tyre u arrestua pak më vonë. Personi në fjalë ishte emër i njohur për policinë, pasi ishte ndaluar dhe më parë për vjedhje. Tashmë policia italiane është vënë në ndjekje të shqiptarit tjetër.
