Teksa kryetari i Parlamentit Gramoz Ruçi po drejtonte seancën parlamentare gjatë miratimit të buxhetit një diskutim i disa ministrave i ka tërhequr vëmendjen dhe madje Ruçi ka kërcënuar me pezullim të seancës.
Ruçi iu ka kërkuar të heshtin pasi po miratohej buxheti i shtetit, ndërsa i ka kërcënuar me pezullim të seancës.“Ju lutem dhe njëherë zotërinj ministra, do pezulloj seancën vetëm për juve. Miratohet buxheti i shtetit. S’keni ardhur për muhabete këtu”, iu tërhoqi vëmendjen kreu i Kuvendit.
Gjatë miratimit të buxhetit ai u ndërpre nga deputetja Evis Kushi e cila kërkoi një ndërhyrje dhe një saktësim, por Ruçi sërish ka pasur kritika.
“E saktësonit kur prutë materialin jo këtu, dakord ë se s’keni bërë kërkesë. E pra. I shkruani gjërat para se t’i bini”, tha Ruçi.
Seanca e sotme e ka lodhur kryeparlamentarin, gjë të cilën ai e pranoi edhe vetë kur ngatërroi Arben Ahmetajn me Arben Malajn.
Pjesë nga fjala:
“Faleminderit z. Malaj!”– tha Ruçi, pas fjalimit të Arben Ahmetajt për dëmet nga tërmeti.
Salla: Është Ahmetaj!
Ruçi: Ka edhe kështu nga lodhja!
Por nuk është ndalur me kaq kryeparlamentari Gramoz Ruçi, pasi në sallë ka pasur shumë zhurmë dhe u kërkoi qetësi ministrave duke i kërcënuar se do ti nxjerrë jashtë nga salla.
Ruçi-ministrave: S’keni ardhur për muhabete këtu, do t’ju nxjerrë jashtë, po mbani qetësi! /Opinion.al
