Bashkia e Tiranës prezantoi projektin e ri për zhvillimin e qendrës së Tiranës, pikërisht Sheshin Skendërbej. Gjatë një prezantimi ku mori pjesë edhe Kryeministri Rama nuk u tha se sa do të kushtojë reahabilitimi dhe kush e financon.
Sipas projektit të ri, sheshi Skenderbej do të kthehet në pedonale me 11 lulishte te vogla, gurë natyralë në formën e pllakave të gurit me trashësi 10-12 cm, nga të gjitha trojet e Shqipërisë (Tropoja, Kukësi, Bilishti, Librazhdi, Tirana, Korça, Gjirokastra, Saranda, Berati, Vlora, Kruja, Bulqiza, Prizreni, Erseka, Skrapari)
Sipërfaqja do të 41 mijë m2 me sheshe dhe trotuare ku do të mbillen 900 pemë të larta dekorative,520 drurë frutorë 954 shkurre të larta decorative, 4400 shkurre të ulëta 35 mijë rrënjë lulesh.
Projekti i ri për sheshin “Skënderbej”, sipas zyrtarëve të bashkisë, pritet të ndryshoje tërësisht formën e aktuale. Do të ndalohet qarkullimi i automjeteve dhe zona kthehet në një pedonale që vijon nga pesëmbëdhjetëkatëshit, në sheshin para Operas deri pas monumentit të heroi Kombëtar. Zona është e konceptuar me gjelbërim përreth dhe një zona e hapur në mes , e cila do të jetë e shtruar me gurë.
