Kreu i PD, Sali Berisha, në një dalje për mediat nga selia blu, është ndalur edhe tek 50-vjetori i Akademisë së Shkencave ndërsa ka sulmuar ashpër drejtuesin e Akademisë, Skënder Gjinushin.
Ai e cilësoi Gjinushin një matrapaz, i cili sipas Berishës “uzurpoi postin e kryetarit të Akademisë duke ia shitur partine e tij Edi Ramës”.
“Sot Akademia kremton 50-vjetorin në një regres të madh. Nëse më parë kishte në krye një historian si Aleks Buda, sot ka një matrapaz, një ish-ministër të diktaturës, i cili uzurpoi postin e kryetarit të Akademisë duke shitur partine e tij Tom Doshit.
Skënder Gjinushi, ish-kryetari i PSD i shiti partinë Edi Ramës për Tom Doshin në shkëmbim të kryetarit të akademisë. Histori më të turpshme nuk ka. Ai qëndron në atë post në dhunim të kushtetutës së vendit, që përcakton se kryetari i Akademisë emërohet nga presidenti, por për pazarexhinjtë, Rama Gjinushi nuk vlen një lekë. Rëndësi ka që ti blinte partinë me Akademinë. Nuk ka ditë më të zezë se kjo e sotmja kur ai institucion kremton 50-vjetorin në një gjendje të turpshme me kryetarin e saj”, the Berisha.
