Ballist Morina ka lënë në orët e para të mbrëmjes së djeshme qelinë e paraburgimit në Dubvronik për tu transferuar në Itali, pas muajsh të gjatë paraburgimi. Skenari i largimit të Ballistit nga Kroacia ka qenë i mirëorganizuar si nga shteti kroat ashtu edhe nga shqiptarët rezidentë në Kroaci.
Burime të Opinion.al tha se “Ismail Morina (Ballisti) doli mbrëmë rreth orës 22:00 nga paraburgimi dhe u shoqërua për në portin e Dubrovnikut nën masa të forta sigurie. Afro 25 shqiptarë kanë qenë të pranishëm fillimisht jashtë dyerve të paraburgimit për ta ndjekur më pas me makinat e tyre drejt portit të Dubrovnikut.
Arsyeja e zgjedhjes e largimit nëpërmjet portit nuk ka qenë e paqëllimshme, duke ditur kërcënimet që ka ardhur ndaj Ballist Morinës sidomos nga elementë serbë.
Pas 10 orësh udhëtim Morina ka mbërritur në portin e Barit sot rreth mesditës. Burime pranë Opinion.al thanë se edhe në target, Morina përpos forcave të sigurisë kroate ka qenë i rrethuar edhe nga shumë shqiptarë që “shoqëronin” në distancë Ballistin.
Me gjasë ai do të qendrojë disa ditë në stacionin policor të Barit edhe për 48 orë, më pas mund të vazhdojë hetimi në gjendje të lirë.
/Opinion.al
