Pas mbylljes së katër grupeve të para, dy grupet e fundit të “Euro 2016” mbajnë gjallë shpresat për kualifikim tutje të kombëtares shqiptare në “Euro 2016”.
Shqipëria me tri pikë në pozitën e tretë të Grupit A, shpreson që të mbetet në mesin e katër ekipeve më të mira në pozitat e treta të të gjitha grupeve, për të mbetur akoma në “Euro 2016”.
Tani Sllovakia, Irlanda e Veriut dhe Turqia janë mbi Shqipërinë në tabelën e ekipeve të pozicionuara në vendin e tretë të secilit grup.
Vetëm Portugalia dhe Suedia janë nën kuqezinjtë. Të dy këto kombëtare luajnë nesër në Grupet E dhe F.
Për të mbetur Shqipëria në Euro 2016, katër ndeshjet e fundit të grupeve në Euro 2016 duhet të përfundojnë kështu:
Grupi E
Italia duhet të mundë Irlandën
Belgjika duhet të mundë Suedinë
Grupi F
Hungaria të mundë Portugalinë
Islanda dhe Austria të mos barazojnë në ndeshjen e nesërme.
