Organizuan një skemë mashtruese financiare që i ka shkaktuar shtetit një dëm prej rreth 1.5 milionë dollarë. Me këtë akuzë Prokuroria e Korçës ka çuar për gjykim 7 persona dhe 4 kompani të dministruara prej tyre.
Bashkë me këta persona, është dërguar për gjykim edhe Donika Dimareli, inspektore e Tatimeve Korçë për shpërdorim detyre.
Foto Kapurani, administrator i disa kompanive në fushën e betonit dhe hotelerisë, ka krijuar bashkë me miqtë e tij disa kompani në të cilat kryenin shit-blerje fiktive betoni, me qëllim shmangien e detyrimeve tatimore.
Kapurani ka shitur në mënyrë informale rreth 45 mijë ton beton.
Prokuroria ngriti akuzë për këta persona dhe kompani:
1. Foto Kapurani, i hetuar me masë sigurimi personal “Arrest në burg”.
2. Vangjush Çerepi, i hetuar me masë sigurimi personal “Arrest në shtëpi”
3. Sotiraq Beçi, i hetuar me masë sigurimi personal “Arrest në burg”, (në mungesë)
4. Jorgji Ziko, i hetuar me masë sigurimi personal “Arrest në Burg”, (në mungesë)
5. Erion Berberi, i hetuar me masë sigurimi personal “Arrest në burg”.
6. Arjan Seferi, i hetuar me masë sigurimi personal “Arrest në burg”.
7. Dhimitri Metellari, i hetuar me masë sigurimi personal “Arrest në burg”.
8.“KAPURANI VJARA”, shpk
9. “BEÇI KOMPANI” shpk
10. “KAPURANI TRANS”, shpk
11. “FOUR BETON” shpk
