Pjesë armësh luftarake janë gjetur nga policia në Pikën e Kalimit Kufitarë në Rinas.
Sipas policisë pjesët e armëve u gjetën gjatë skanimit të tre pakove, pronarët e të cilave nuk dihen ende.
“ Në datë 24.08.2017, ora 15:40, në PKK Rinas, nga punonjësit e kompanisë “ICTS”, gjatë skanimit të tre pakove të kompanisë postare “DHL”, tranzit kane konstatuar pjesë armësh luftarake”.
Burime nga Ora News bëjnë me dije se pjesët e armëve të gjetura në pako ishin të tipit kallashnikov.
Po sipas të njëjtave burime, pakot ishin nisur nga Tirana, por nuk dihet destinacioni final pasi udhëtimi ishte tranzit Tiranë-Greqi-Londër.
Nga ana e policisë vazhdojnë hetimet për zbardhjen e kësaj vepre penale si dhe për identifikimin dhe kapjen e autorëve.
Ndërkohë prej ditësh policia shqiptare ka rritur masat e sigurisë ë aeroporte dhe institucione të rëndësisë së veçantë, kjo pas sulmeve terroriste në disa vende të Europës
