Sa shumë maniakë dhe njerëz të papërgjegjshëm paska në urbanët e Tiranës dhe askush nuk reagon. Ditën e djeshme Jetaoshqef.al publikoi një video, e cila ishte bërë në urbanin e Kombinatit, ku një djalë ngacmonte seksualisht një vajzë me organin gjenital, duke vazhduar më tej me vajzat e tjera. Pas publikimit të asaj video, nuk pati asnjë reagim nga institucionet përkatëse, përveçse nga opinioni publik që e dënoi ashpër si rast.
Ndërsa sot në redaksinë tonë ka mbërritur një tjetër video, ndoshta më e rëndë se ajo e linjës së Kombinatit. Një burrë që duket në moshë shfaqet duke u masturbuar në urbanin e Institutit. Fillimisht kryen veprime të turpshme duke u fshehur nga të tjerët, por më pas merr guximin dhe nxjerr organin gjenital në një ambient të mbushur me njerëz dhe vazhdon masturbimin.
Një akt i turpshëm që vazhdon pas disa të tjerëve, do thoni “Ok” edhe jashtë ndodhin. Po është e vërtetë, por në çdo rast të tillë që mediat e huaja publikojnë mbyllen me njoftimin që ai person është ndaluar dhe ndaj tij janë marrë masa. Po këtu çfarë ndodh? Opinioni publik reagon ashpër, por kjo nuk mjafton. /Jetaoshqef
