Ujësjellësi i Tiranës në mënyrë skandaloze iu ka dërguar qytetarëve muajin që shkoi, fatura fiktive. Nga denoncimet e shumta të qytetarëve, bëhet me dije se ata janë faturuar më shumë se 40% se sa kanë konsumuar ujë. Për më tepër, situate bëhet edhe më skandaloze, pasi qytetarët nuk kanë se ku të ankohen.
Një prej qytetarve nga Tirana, i cili ka një biznes privat, për muajin janar i kanë ardhur dy fatura uji me diferencë prej 77 mijë lekësh. Me të dyja faturat në dorë ka shkuar pranë një zyre UKTje, por punonjësja i ka thënë që nuk ka internet dhe nuk funksionon sistemi.
Ai është një nga qytetarët e shumtë që iu kanë mbërritur fatura të tilla dhe ka vendosur ta denoncojë këtë skandal.
Ja çfarë shkruan ai: “Përshëndetje! Kam një biznes dhe jam dakord qe duhet te bej pagesën e ujit… Shkoj dhe kërkoj faturat qe kam për te paguar ne një zyre UKT…
Dhe marr faturën e pare për muajin janar , pas disa ditësh me vjen faturisti dhe me sjell një fature tjetër po te muajit janar me një shume komplet tjetër … Me një diference diku te 77 mijë lekë … Shkoj për tu ankuar, dhe një zonje me tha që nuk ka internet dhe nuk funksionon sistemi… Dhe nëse nuk i paguaj këto vijnë dhe na ndërpresin ujin…
Këto po na vjedhin pa hesap. Bashkangjitur keni dhe foton. #shtetiqedeshem!”. (shiko ne fund)
Ndërsa një tjetër shkruan: “Kjo eshte fatura e ujit e janarit dhe leximi i sahatit. Ky eshte skandal qe flitet ka ndodhur ne permasa te medha ne Tirane, ju lutem merrni masa te korigjohet.
Faleminderit Arben Sh….”
