Detaje të reja dalin në dritë në lidhje me videoskandalin ku u përfshi kryebashkiaku i shkarkuar i Peshkopisë, Shukri Xhelili.
Burime të News 24, bëjnë me dije se para disa muajsh në makinën e djalit të tij u vu një sasi tritoli dhe kjo për ta kërcënuar. Po sipas të njëjtave burime, dyshohet se tritoli në makinën tip “Benz” u vendos nga persona të afërt me 20 vjeçaren A.A. e cila filmoi kryebashkiakun në zyrë por edhe në një hotel në Tiranë dhe që kishin dijeni për shoqërimin e tyre.
Mësohet se vajza me iniciale A. A me origjinë nga Bulqiza ishte punësuar më herët në qendrën e Kulturës në Peshkopi. Makina e djalit të kryebashkiakut u përfshi nga flakët më 3 mars të këtij viti. Policia që mbërriti menjëherë vendngjarje bëri të ditur se dyshohej për një zjarrëvënie të qëllimshme.
Ndërkohë vetë kryebashkiaku tha se automjeti përdorej nga djali i tij.
