Thellohet skandali i përdhunimit të një nxënëseje 18 vjeçare në Kosovë, nga mësuesi i saj dhe më pas hetuesi i çështjes, që e detyroi të abortonte.
Sipas medias kosovare, në hetimet e Prokurorisë mbi ngjarjen, është edhe gjinekologu Fehmi Ahmeti, ku vajza ka kryer abortin.
Ahmeti përpos që nuk ka licencë për të kryer aborte, nuk ka marrë me shkrim pëlqimin e vajzës për të hequr fëmijën.
Ndaj gjinekologut Ahmeti, Prokuroria ka caktuar masën e arrestit në shtëpi, ndërsa nëse gjendet fajtor, mund të dënohet deri në 8 vite heqje lirie.
Vajza ka shkuar të kryejë abortin më 15 janar në klinikën private të Ahmetit, e detyruar nga oficeri policor që e përdhunoi.
Ndërkohë që Prokuroria ka konstatuar që nuk ka asnjë letër që vajza të aprovojë abortin me firmën e saj.DL
