Mbreti spanjoll Felipe VI ka vendosur të mos përfitojë asgjë nga trashëgimia personale e të atit, ish-mbretit 82-vjeçar, Juan Carlos.
Me një deklaratë zyrtare të shtëpisë mbretërore, njoftohet se përtej heqjes dorë nga trashëgimia, 52- vjeçari Felipe nuk do të përfitojë edhe “rrogën” që merrte çdo vit, rreth 194 mijë euro.
Arsyet pas këtij vendimi drastik, nuk lidhen vetëm me marrëdhëniet konfliktuale në familjen mbretërore, por me burimet e pasurisë, të cilat mund të jenë të paligjshme.
Pas ngjarjes së pazakontë fshihet i ashtuquajturi “skandali panamez”, i cili lidhet me hetimet që ka nisur Prokuroria spanjolle mbi rreth 100 milion euro që ish-mbreti, Juan Carlos, mund të ketë përfituar në Zvicër nga një fondacion panamez, mbrapa të cilit fshihet Arabia Saudite.
Skandal, për të cilën mbreti Felipe deklaron se nuk ishte në dijeni, dhe mesa duket dëshiron dhe të distancohet./Opinion.al
