Siç edhe pritej, në seancën e vlerësimit të masës së sigurisë, Gjykata e Shkodrës la në burg pesë punonjëset e shtëpisë ku strehohen fëmijë të varfër. Në burg mbeti ish-drejtoresha Albana Llazani, Rafaela Camaj, Shpresa Nishani, Najada Rramollit dhe Violeta Marku. Ato akuzohen për keqtrajtim të të miturve dhe për abuzim me detyrën.
Nga hetimet, tre fëmijët vajza, banore të qendrës rezidenciale kanë thënë se me to, është abuzuar jo vetëm fizikisht, po edhe seksualisht. Një nga të dyshuarit si autor i abuzimeve është edhe djali i ish- drejtoreshës Llazani, por ai është i diagnostikuar me autizëm dhe për këtë duhen ca verifikime të mëtejshme.
