Gjykata e Apelit të Shkodrës nuk ka pranuar ankimin e ish–Drejtoreshës, së shtëpisë së fëmijës, Albana Llazani dhe 4 punonjëset e Rafaela Camaj, Shpresa Nishani, Najada Rramollit dhe Violeta Marku.
Trupi gjykues i ka lënë në burg duke e cilësuar të ligjshëm arrestimin e tyre për akuzën e shpërdorimit të detyrës dhe keqtrajtimin e të miturve.
Nga hetimi i Prokurorisë ka rezultuar se, tre vajza të mitura të moshës 6, 11 e 12 – vjeç janë abuzuar seksualisht dhe fizikisht.
Punonjëset e shtëpisë së fëmijës kanë neglizhuar kryerjen e detyrës së tyre dhe për këtë arsye tre të miturat kanë rënë pre e dhunës seksuale.
Kjo sipas Prokurorisë vërtetohet edhe nga akt – ekspertimi i kryer në Institutin e Mjekësisë Ligjore në Tiranë.
Me vajzat, sipas hetimit, është abuzuar gjatë ekskursioneve që shtëpia organizonte. Gjatë këtyre udhëtimeve grupit i janë bashkuar edhe djem të punonjësve të Shtëpisë së Fëmijës, të cilët kanë abuzuar me të mitura.
Por në seancë, avokatët kanë ngritur pretendimet se djali i ish – drejtoreshën vuan nga autizmi dhe për këtë kanë kërkuar një riekspertim të ri.
