Në farmacitë shqiptare tregtohen edhe barna të cilat janë të paregjistruara dhe që sillen në Shqipëri në mënyrë kontrabandë. Konkretisht bëhet fjalë për dy medikamente Flagyl dhe Advil. I pari përdoret për parazidët dhe i dyti për dhimbje të trupit gjatë gripit.
Emisioni investigativ “BOOM” në RTV Ora News bëri një vëzhgim në disa prej farmacive të Tiranës dhe rezultoi se këto medikamente i gjeje, pavarësisht se disa farmaci nuk i kishin.
Këto barna gjenden në tregun shqiptar edhe pse sipas ministrit të Shëndetësisë, Ilir Beqaj ulin efektshmërinë nëse janë të paregjistruara.
Ilir Beqaj: Barnat të ofruara në mënyrë informale rrezikojnë shëndetin dhe jetën e pacientit. Shmangia e rrugëve normale dhe të kontrolluara bart rrezikun e përdorimit të barnave të falsifikuara si dhe rrezikun e uljes së efektshmërisë nëse barnat tregtohen jashtë zinxhirit të kontrollit dhe të sigurisë së barit.
Kamera e emisionit “BOOM” pyeti edhe Agjencinë Kombëtare të Barnave, e cila konfirmoi se mes ilaçeve që nuk lejohen të tregtohen në farmacitë shqiptarë janë Flagyli dhe Advili.
Por ja çfarë ndodh në farmacitë shqiptare:
Farmacia 1
Gazetari: Flagyl ke?
Farmacistja: Jo nuk kam, vetëm po ta gjesh kështu..
Gazetari: Kokrra ke?
Farmacistja: Me emrin flagyl, që të lexojë flagyl jo.
Gazetari: Nuk ka
Farmacistja: Jo
Gazetari: E kanë hequr?
Farmacisjta: E kanë hequr, nuk vjen më, vetëm kontrabandë e gjen, mund ta gjesh.
Gazetari: Ku mund ta gjej?
Farmacisjta: Andej nga spitalet shif njëherë se mund ketë faraci që mund ta mbajnë
Farmacia 2
Gazetarja: 10 kokrra advil desha
Farmacistja: 2 mijë lekë kushtojnë
Gazetari: Mirupafshim
Farmacia 3
Gazetari: Më jep 10 kokrra advil
Farmacistja: Nuk ka sepse është preparat që nuk qarkullon në Shqipëri, e miratuar nga ministria. Në Amerikë, Kanada qarkullon
Gazetari: Dmth e ka heq ministria këtë?
Farmacisjta: Nuk është me pullë, në kuptimin që nuk është i miratuar për tu tregtuar në Shqipëri advili. Ka mënyra të tjera që marrin guximin ca e tregtojnë, por …
Farmacia 4
Gazetari: Më jepni 10 kapsula advil
Farmacistja: Advil sa do?
Gazetari: 10
Farmacia 5
Gazetarja: Advil ju lutem
Farmacistja: Advilët janë amerikanë me shishe të mëdha, janë me 100 kokrra
Gazetarja: 10 kokrra?
Farmacistja: Xhel apo kokërr?
Gazetarja: Kokërr
Farmacistja: Të hapura?
Gazetarja: Po
Farmacistja: Këto janë konfeksione të mëdha
Gazetarja: Këto janë amerikane mos gaboj
Farmacistja: Qetësues, dhimbje koke, dhimbje trupi, menstruale, reumatizmale
Farmacia 6
Gazetarja: Desha nja 10 kokrra advil
Farmacistja: Advil nuk kemi, është pa pullë, nuk merret te të gjitha farmacitë se është e paregjistruar.
Farmacia 7
Gazetari: Më jep një flagyl
Farmacistja: Nuk ka flagyl
Gazetari: Ku mund të gjej?
Farmacistja: Flagyli mesa di unë ka një vit që është në mungesë, të paktën në tregun shqiptar. Nuk e di vetëm nëse është pa pullë. Unë nuk kam
Farmacia 8
Gazetari: Më jep 10 kapsula flagyl
Farmacistja: Flagyl?
Gazetari: Po kokërra
Farmacistja: Je me fat mor çun
Gazetari: Pse?
Farmacistja: I kisha për shtëpi
Gazetari: Nuk i gjeta
Farmacistja: Nuk ka, unë këto i kisha të shtëpisë
Gazetari: Mos i shit ato të shpisë se mos të duhen
Farmacistja: Po rri ore urtë tashi
Farmacistja: 4 mijë
Farmacia 9
Gazetari: Flagyl desha unë
Farmacistja: Kokrra, kapsula?
Gazetari: Po kokrra, 10 kokrra
Farmacistja: 500 i do?
Gazetari: Po
Farmacistja: 500 lekë bëjnë
Gazetari: Ti shof njëherë a janë ato
Gazetari: Mbaji këtu
