Një skandal i rëndë korrupsioni në prokurori është denoncuar mbrëmë në emision “Stop” në tv Klan. Bëhet fjalë për një prokuror që kërkonte 18 mijë euro për të hedhur një firmë. Firma e tij shërbente për të zhbllokuar mbi 100 mijë euro që ishin bllokuar padrejtësisht me dyshimin se mund të ishin para të pista. Pas hetimeve dy vjeçare rezultoi se paratë ishin të pastra, por prokurori sërish nuk bënte lirimin e parave në bankë. Kësisoj qytetarit i është dashur të paguajë plot 18 mijë euro rryshfet.
Ky moment është fiksuar nga kamera e fshehtë dhe denoncuar në emisionin “Stop” mbrëmjen e së mërkurës. Në pamje shihet oficeri i policisë gjyqësore, Fatos Lusha që i merr plot 18 mijë euro qytetarit duke i premtuar heqjen e sekuestros së parave në bankë. Në pamje, Lusha dëgjohet të përmendë emrin e prokurorit Ardian Braho. Sipas tij shuma prej 18 mijë eurosh shkon për prokurorin dhe ai në këtë rast thotë se është vetëm sekser….
Një ditë më pas, mësohen të tjera detaje rreth këtij rasti të rëndë korrupsioni.
Burime nga Policia e Tiranës kanë thënë për agjencinë BW se bëhet fjalë për 150 mijë euro të dërguara nga Franca. Paratë janë dërguar në gusht të 2014-ës nga shtetasi Gani Metollari.
“Më 28 gusht 2014 Policia e Tiranës ka referuar në Prokurorine Tiranë materialet për pastrim parash për Gani Metollarin pasi është dhënë urdhër bllokimi për 72 orë për llogarinë bankare me vlerë 150 mijë euro. Këto para janë dërguar nga Monako e Francës nga shoqëria Allium investment LTD. Pas referimit në Prokurori dosja nuk është kthyer më në Polici për hetim”, pohojnë burime nga policia.
*Video e plote e emisionit “Stop”
