Është dorëhequr Sekretarja për Çëshjet e Brendshme në Britani, Amber Rudd pas skandalit të emigrantëve. Pak kohë më parë, qeveria u vendos në qendër të kritikave për trajtimin e disa banorëve me prejardhje nga Karaibet, të cilët ishin cilësuar gabimisht si imigrantë të paligjshëm.
Dorëheqja e njërës prej aleateve kryesore të kryeministres Theresa May, përbën shqetësim për këtë të fundit, derisa ajo hyn në vitin e fundit të negociatave për Brexit.
Në letrën e dorëheqjes, Rudd ka thënë se ajo ka mashtruar, por pa qëllim deputetët javën e kaluar, duke mohuar se Qeveria ka caktuar objektiva për dëbimin e migrantëve ilegalë. May ndërkohë ka pranuar dorëheqjen e saj.
Për dy javë, ministrat britanikë janë përpjekur për të kuptuar pse disa pasardhësve të të ashtuquajturit “Brezi Ëindrush”, u janë mohuar të drejtat bazike.
Ky skandal ka lënë në hije Samitin e Komonuelthit të mbajtur në Londër dhe ka ngritur shumë pikëpyetje lidhur me qeverisjen e May.
/Opinion.al
