Regjisori francez Roman Polanski e kishte zhytur bashkëshorten e tij, modelen Sharon Tate, në një botë të mbushur me orgji, video seksi dhe poshtërime.
Kështu shkruhet në librin që Ed Sanders i ka kushtuar jetës së modeles.
Historia e jetës së Sharon Tate, deri kur u vra nga banda e Charles Manson, të lë me gojë hapur.
Babai i saj, Paul, ishte kapiten në ushtri dhe vazhdimisht mungonte në shtëpi. Nëna e saj, Doris, e çonte vazhdimisht vajzën e saj të vogël në konkurse bukurie.
Kur ishte vetëm 6 muajshe, ajo u shpall Miss Bebja në Dallas. Ishte fillimi i një jete përpara kamerave. Ajo fitoi konkurse bukurie në SHBA dhe në Europë.
Ed Sanders shkruan se Sharon u përdhunua kur ishte 17 vjeç nga një ushtar në Itali. Në vitin 1963, ajo hyri plotësisht në botën e modës, por donte dëshpërimisht të bëhej aktore.
Ajo u lidh me aktorin francez, Philippe Forquet, me të cilin u nda pak kohë më pas, për tu lidhur me Steve McQueen dhe Jay Sebring.
Pas ndarjes nga Sebring ajo u dashurua me regjisorin Roman Polanski.
Sharon Tate bënte video seksi në shtëpi me Polanskin dhe ky i fundit ua tregonte shokëve. Polanski filmonte orgjitë në shtëpinë e tyre dhe ua tregonte videot njerëzve në festa.
Më vonë u tha se ato ishin filma porno sadomazokistë me shumë fytyra të njohura të Hollivudit.
Tate dhe Polanski u martuan në janar të vitit 1968 në Londër. Ajo ishte 25 vjeç ndërsa Polanski 34 vjeç. Sharon ishte plotësisht e frikësuar prej tij.
“Ai i tregonte se çfarë duhej të vishte, çfarë makijazhi të vinte, çfarë i pëlqente atij dhe çfarë jo. Ai drejtonte jetën e saj,” – thotë një mikesha e Tate.
Sharon ishte shtatzënë kur gjeti një video të Polanskit, duke bërë seks me dikë në krevatin e tyre.
Roman nuk donte të kishte fëmijë. Ai i kërkoi që të abortonte
në një klinikë në Brazil. Kur ajo refuzoi, ai nisi një aferë me këngëtaren Michelle Phillips.
Polanski nuk bënte seks me Sharon, por bënin të tjerët. Vetë Michelle Phillips thotë se në shtëpinë e Polanskit filmoheshin orgjitë dhe Sharon Tate ishte pjesë e tyre.
Një natë përpara 9 gushtit 1969, ajo i tha Polanskit se do ndaheshin pasi të sillte në jetë beben. Por më 9 gusht, Sharon, tetë muajshe shtatzënë, u ther me thikë nga banda e Charles Manson.
Ende nuk dihen shkaqet e vërteta të vrasjes, por autori i librit thotë se në këtë vrasje luan një rol të rëndësishëm një kult satanik anglez.
Sipas një hetuesi privat, që po merrej me vdekjen e Robert F. Kennedy, grupi satanik anglez kishte rekrutuar Charles Manson për të vrarë Sharon Tate, pasi ajo kishte informacione të rëndësishme për vrasjen Kennedy.
