Shefi i Krimit Ekonomik në policinë e Shkodrës nxorri pistoletën në mes të turmës së shitësve të duhanit dhe i kërcënoi ata. Doganat zbarkuan në lagjen Rus të Shkodrës për të sekuestruar duhanin e prodhuar nga fermerët e Shkodrës. Ata u përballën me rezistencën e shitësve të cilët tentuan të rimerrnin sasinë e duhanit që punonjësit e doganave kishin futur në makinën e tyre.
Në këtë kohë, shefi i Krimit Ekonomik, Pjerin Lazri nxjerr pistoletën në mes të turmës dhe i kërcënon shitësit. Ky veprim shkaktoi irritimin e shitësve të cilët nisën të qëllonin me pakot e duhanit e sende të tjera punonjësit e doganave dhe të policisë, derisa i detyruan të largohen.
Qytetarët kanë dërguar pamjet filmike të momentit të tensionuar, ku shitësit konfliktohen me doganierët dhe me shefin e krimit ekonomik në policinë e Shkodrës, Pjerin Lazri.
Policia e Shtetit duhet të reagojë për këtë shkelje flagrante të ligjit nga nje zyrtar i lartë i saj.
