TIRANË- Një 78 vjeçar ka vdekur në ambulancë teksa transportohej nga Lezha në QSUT, Tiranë. Policia ka ngritur akuzë për infermierin që shoqëronte të sëmurin duke e fajësuar për neglizhencë në punë. Klodian Dushkaj, 31 vjeç, me detyrë infermier në Urgjencën e Spitalit Lezhë është arrestuar gjatë paradites së sotme.
Sipas policisë, mbrëmë gjatë transportimit me ambulancë të të sëmurin 78 vjeçar me iniciale G.B., infermieri nuk ka qendruar në një vend me të sëmurin por në kabinë me drejtuesin e mjetit. “Ai nuk ka mbajtur në mbikëqyrje mjeksore shtetasin e sëmurë i cili më pas ka gjetur vdekjen”, thotë policia.
Gjithsesi, ky është një rast që nxjerr shumë pikpyetje për sistemin tonë shëndetësor. A ka marrë i sëmuri mjekimin e duhur në spitalin e Lezhës? A është nisur në kohë për në Tiranë?, etj.
