Kisha katolike amerikane është përfshirë nga një tjetër skandal abuzimesh seksuale me të mitur. Më shumë se 300 priftërinj në Pensilvani rezulton të kenë abuzuar me 1000 të mitur.
Të dhënat u publikuan nga Gjykata Supreme e Pensilvanisë, e cila i referohej hetimeve që përfshinin aktivitetin e priftërinjve përgjatë 70 viteve të fundit.
Publikimi i këtij raporti u vonua, pasi disa klerikë katolikë pretendonin se po i shkeleshin të drejtat kushtetuese, por gjykatësit vendosën të publikonin në mënyrë të detajuar emrat dhe detajet e të gjitha ngjarjeve.
Nga hetimet që zgjatën afro 18 muaj ku u përfshinë 6 nga tetë dioqeza u identifikuan se 300 priftërinjtë kishin abuzuar seksualisht me të mitur.
Ky skandal vjen pas dorëheqjes së kardinalit Teodor Mekerik, një figurë e rëndësishme e kishës amerikane, i akuzuar se ka abuzuar me fëmije dhe të rritur prej dekadash.
Tv Klan
