Një skandal ka përfshirë Komisariatin e Elbasanit.
Balkanweb raporton se në zyrën e shefit të këtij komisariati janë gjetur 9 armë pa leje të cilat qëndroni aty prej 2 vitesh. Armët nuk ishin të pajisura me asnjë procesverbal.
Në shkelje flagrante me ligjin këto armë qëndronin në zyrën e shefit të komisariatit të pa pajisura me dokumentacion dhe pa asnjë ekspertize për të kuptuar nëse ishin përdorur në ngjarje kriminale apo jo, ndonëse Elbasani ka patur disa të tilla kohët e fundit.
Mësohet se armët ishin automatike, model 56 dhe për to ishin vënë në dijeni drejtuesit e komisariatit por nuk ishte marrë asnjë masë gjë që tregon hapur paaftësinë dhe papërgjegjshmërinë e forcave të Policisë.
Para pak kohësh, shef rendi në Komisariatin e Elbasanit u emërua Faik Ruko, i cili sapo konstatoi mungesën e dokumentacionit për armët, kërkoi sqarime nga shefi që zëvendësoi Abedin Halilaj, i cili po ashtu nuk kishte dokumentacion për rastin.
Për ngjarjen është vënë në dijeni edhe shërbimi për çështjet e brendshme dhe ankesat (SHÇBA) dhe është çelur një hetim i cili pritet të hedhe dritë mbi ngjarjen. /Opinion.al
