“Sugar Daddy” tashmë është një term i njohur për prostitucionin online. Bëhet fjalë për meshkuj në moshë të madhe të cilët kanë shumë para, dhe kërkojnë femra të reja në moshë dhe të bukura me të cilat mund të bëjnë seks apo shumë gjëra të tjera në varësi të kërkesave. Në Belgjikë së fundmi kompanitë virtuale të cilat promovojnë këtë stil jetese, e kanë zhvilluar marketingun deri aty sa nëpër universitetet e vendit, u bëjnë thirrje vajzave që të zgjedhin këtë stil jetese për të paguar shpenzimet e tyre.
“Shkollë për 0 euro? Lidhu me një “Sugar Daddy” – është slogani që po qarkullon rëndom në universitetet belge. Autoritetet kanë nisur hetimet për kompaninë në fjalë, por duket se pronari i saj e mbron këtë teori duke sqaruar se femrat kanë të drejtë të përdorin pamjen e tyre të jashtme si pushtet. Ai shprehet se nuk ka asgjë të keqe në promovimin e kësaj mënyre për të fituar para, duke i quajtur meshkujt që gjenden në këtë adresë si inteligjentë dhe të fuqishëm. Sipas autoriteteve, deri në vitin 2018, pritet që rreth 300.000 femra nga e gjithë bota t’i bashkohen adresave të tilla në internet.
