Plot 6 300 metra katrorë pyll, ku shtrihet pika turistike e Ardenicës është privatizuar. Skandali është zbuluar disa vite pasi Arben Lushi, u bë pronar duke korruptuar punonjësit e Hipotekës.
Kështu 36 vjeçari Bledar Koçiu ish-regjistrues i Z.V.R.P.P Lushnje, është arrestuar, së bashku me “pronarin” e Ardenicës Lushi. Gjykata ka vendosur ndaj tyre masën e arrestit me burg pa afat.
Të dy akuzohen për veprat penale “Korrupsioni pasiv i personave që ushtrojnë funksione publike”, “Shpërdorimi i detyrës“, “Ushtrimi i ndikimit të paligjshëm ndaj personave që ushtrojnë funksione publike”, “Falsifikimi i dokumenteve”.
Po ashtu, togat e zeza caktuan “Ndalim i daljes jashtë shtetit” për 32-vjeçarin me iniciale E.Rr., me detyrë ish-hartograf pranë Z.V.R.P.P Lushnjë, ndërsa u shpall në kërkim 52-vjeçari me iniciale S.K, me detyrë jurist pranë Z.V.R.P.P Lushnjë. Këta persona në bashkëpunim me njëri tjetrin akuzohen se kanë dhënë në kundërshtim me ligjin një pronë shtetërore me sipërfaqe 6300 metër katror pyll, në të cilën është ndërtuar pikë turistike, Arben Lushi duke e pajisur me certifikatë pronësie.
