Ish kryeministri Sali Berisha e ka quajtur pamundësinë e uljes së avionit të këngëtares Rita Ora në aeroportin e Rinasit, si një akt të turpshëm.
Me anë të një shënimi në facebook, Berisha shkruan se aeroporti i Rinasit është një shpartallinë, i cili nuk pranon uljen e avionit të Rita Orës.
Ai tha se në këtë vend, të cilin qeveria e ka shndërruar në një protektorat krimi, ndodh si në asnjë vend tjetër në botë që mos pranohet ulja e avionit të Rita Orës, këngëtares së famshme dhe ambasadores brilante të kombit shqiptar në mbarë botën, në një kohë me kushte metereologjike ideale, trafik ajror zero.
“Kjo deshmon se ky aeroport, qe vetem nje jave me pare u pushtua per kohe te tere nga terroriste te eurove eshte nje shpartalline e vertet”, shkruan Berisha në facebook.
Sipas tij, refuzimi i uljes së avionit të Rita Orës, që do të vinte të bashkohej me Chris Braën në një koncert në Durrës është një dëshmi e shëmtuar e mosfunksionimit të shtetit, institucioneve të tij përgjegjëse për fluturimet në aeroportin e vetëm civil të vendit.
