Gjashtë pushues ne Sarandë kanë rrezikuar jetën teksa po lundronin në det. Policia Kufitare u ka ardhur në ndihmë çka nuk ka çuar në tragjedi, pasi skafi me të cilin ata po lundroni i ndodhi një defekt në motor gjatë kohës që ata ishin tek “Kepi i Mërtesës” në Ksamil.
Në një njoftim, policia thotë se rreth orës 19:00 është marrë informacioni se një mjet lundrues tip motoskaf, po rrezikohej të mbytej në vendin e quajtur “Kepi i Mërtesës” Ksamil. 2 patrulla të policisë së Sarandës janë nisur në drejtim të vendit të ngjarjes, ku është konstatuar motoska me emrin “Bayener Boa”, me amur Anglez, në pronësi të B.S., që kishte pësuar defekt në motorë. Në bordin e motoskat ndodheshin 6 persona, pushues nga mosha 26 deri në 32 vjeç, të cilët u shpëtuan dhe u nxorën në breg të Ksamilit. Të gjithë personat ndodhen në gjendje të mirë shëndetësore, pa probleme për shëndetin e tyre. Nga hetimet proceduriale të policisë ka rezultuar se mjeti lundrues kishte dalë në det konform rregullave ligjore. /opinion.al
