Sot përfundon afati për marrjen në shqyrtim të dosjes të dekriminalizimit për deputetin Armando Prenga, materialet për të cilin Prokuroria e Përgjithshme i ka dorëzuar në KQZ. Referuar ligjit në fuqi, KQZ brenda një afati 10 ditor duhet të mblidhet për të marre një vendim lidhur me mandatin e deputetit, afat i cili përfundon sot.
KQZ kishte paralajmeruar një mbledhje dje në orën 13:00, por ajo u shty pa njoftuar se kur do të jetë mbledhja e radhës. Heqja e mandatit për deputetin Prenga e vështirëson pozicionin e mazhorancës pasi në listën emërore është një tjetër kandidat me preçdentë penal dhe automatikisht mandatin e merr kandidati i LSI.
Nësë KQZ nuk mblidhet as sot, atëherë 1/5 e deputetëve e çon në Kushtetuese ku konstatohet mbarimi i mandatit ose shkarkimi i deputetit Prenga. /Opinion.al
*Dokumenti i prokurorisë për Armando Prengën, ku i kërkohet KQZ ti heqë mandatin bashkë me shpjegimet përkatëse.
