UEFA ka ndëshkuar Kroacinë për sjelljen e tifozëve kroatë në ndeshjen me Spanjën.
Lajmin e ka bërë të ditur Federata Kroate, nëpërmjet një postimi në rrjetet sociale.
Federata Kroate shkruan se sipas UEFA-s tifozët kroatë kanë kryer veprime të palejuara, duke hedhur gota plastike dhe ndezur flakadanë. Për këtë shkak, federata e Kroacisë u gjobit me 87875 euro.
“Organet disiplinore të UEFA-s vendosën të ndëshkojnë Federatën Kroate për sjelljen e tifozëve në ndeshjen ndaj Spanjës në Berlin më 15 qershor. Federata u gjobit 63875 euro për hedhjen e gotave plastike dhe 24 mijë euro për ndezjen e flakadanëve, për një total prej 87875 eurosh”, shkruante Federata Kroate.
Federata Kroate e Futbollit u bëri thirrje tifozëve që të mos përsëritnin sjellje të tilla që do të shoqëroheshin përsëri me ndëshkime masive nga UEFA në të ardhmen, duke filluar nga ndeshja me Shqipërinë.
Kujtojmë se ndeshja mes Kroacisë dhe Spanjës u zhvillua në Berlin më 15 qershor.
