Ministri i Mbrojtjes Pirro Vëngu, ka njoftuar se situata nga zjarret në vendin tonë vazhdon që të jetë nën monitorim të vazhdueshëm.
Përmes një postimi në rrjete sociale, Vëngu thotë se ka parë nga afër situatën nga flakët në Bashkinë e Selenicës.
Ai shprehet se pas një lufte të madhe të autoriteteve ndaj zjarreve, më në fund në Bashkinë e Selenicës nuk ka asnjë vatër zjarri.
“Pas një nate përpjekjesh e pune të pandërprerë, strukturat operacionale të Emergjencave Civile në nivel lokal dhe qendror, nën koordinimin e Agjencisë Kombëtare të Mbrojtjes Civile, kanë arritur të vënë nën kontroll vatrat e zjarrit në bashkinë e Selenicës. Rreziku për banesat është eliminuar, por situata mbetet nën monitorim të vazhdueshëm. Në ndihmë të forcave vendore janë bashkuar edhe dy ekipe zjarrfikësish nga Forcat e Armatosura.
Mirënjohje të gjithë efektivëve për punën e tyre Heroike në mbrojtje të jetës dhe pronës së qytetarëve”, shkruan Vëngu.
