Kryeministri i Kosovës, Albin Kurti, në një konferencë për mediat, pas takimit me ambasadorët e vendeve të QUINT-it, duke folur për situatën në veri të Kosovës, tha se aty ku nuk ka urdhër nga Serbia për dhunë, atëherë ka paqe në Kosovë.
“Më së shumti dhunë ka pasur aty ku nuk ka pasur kryetar. E kemi parë në ato parulla nacionaliste që shkruan “Ubi-Ubi (vrite-vrite)” dhe simbolin “Z” të luftës së Rusisë në Ukrainë. Ku nuk ka urdhër nga Serbia për dhunë, ka paqe në Kosovë. Vendimet duhet t’i marrë qeveria e Kosovës, bazuar në kushtetutën, ligjet e vendit”,- Albin Kurti
Ndërkohë, i pyetur nga gazetarët, Kurti foli edhe për komunikimin që ai ka pasur me kryeministrin shqiptar, Edi Rama, ndërsa deklaroi se urgjent është një takim me numrin dy të Bashkimin Evropian, Joseph Borrell, mundësisht që këtë javë për zgjidhjen e situatës.
“Unë i besoj kryeministrit Rama që ai është i mirë për pakicat kombëtare, por duke u bazuar edhe në Kushtetutën e Shqipërisë por edhe momentin politik ku jemi. Unë i besoj kryeministrit Rama se ai është i miri dhe i duhuri. Unë kam pasur kontakt me të, duke pasur parasysh se nesër kemi edhe mbledhjen e përbashkët të qeverisë. Unë i kam kërkuar që të takohemi që këtë javë për ti treguar se me sa urgjencë dhe prioritet e konsideroj këtë gjë, kam kërkuar që të takohem me Borrell që këtë javë. Është numri dy i BE, ndaj unë besoj që ai është adresa ku zhvillohen këto takime. Takime që duhet të zhvillohen sa më shpejt”,-Albin Kurti.
