Ministria e Shëndetësisë njoftoi se në të gjithë vendin janë 173 persona aktivë me koronavirus, nga të cilët aktualisht në dy spitalet Covid janë të shtruar 19 pacientë dhe vetëm 3 prej tyre ndodhet në terapi intensive.
Kjo shënon një ulje të të shtruarve krahasuar me një ditë më parë, por një rritje të personave në terapi intensive, nga një pacient që ishte ditën e djeshmë në tre.
Megjithatë, Ministria sqaroi se situata vijon të mbetet e qëndrueshme pasi më pak se 11% e te prekurve aktivë po marrin trajtim në spitale, pasi pjesa tjetër ndiqet nga mjeku i familjes.
Ministria sqaron më tej, se deri më sot janë konfirmuar pozitivë me COVID-19 në të gjithë vendin 898 qytetarë, nga të cilët 77% e të gjithë të prekurve janë shëruar./Opinion.al
