Presidenti i Këshillit të BE-së, Charles Michel ka reaguar lidhur me situatën që po zhvillohet në Rusi.
Në një postim në rrjetin social “Twitter”, Michel shkruan se BE po vëzhgon nga afër situatën në Rusi, ndërsa thekson se “Kjo është qartë një çështje e brendshme ruse”.
Ai tha se ka qenë në kontakt me liderët evropianë dhe partnerët e G7.
Michel shtoi se mbështetja e BE-së për Ukrainën dhe presidentin e saj, Volodymyr Zelenskyy mbetet e palëkundur.
Në një reagim të ngjashëm, Josep Borrell, shefi i politikës së jashtme të BE-së, shkroi në “Twitter “se ai kishte telefonata me ministrat e jashtëm të G7, në të cilat u diskutua situata në Rusi.
“Përpara Këshillit të Punëve të Jashtme të BE-së të së hënës, unë po koordinoj brenda Bashkimit Evropian dhe kam aktivizuar qendrën e reagimit ndaj krizave”, tha ai, duke shtuar se mbështetja e unionit për Ukrainën vazhdon e pandërprerë./Opinion.al
Closely monitoring the situation in Russia as it unfolds.
In touch with European leaders and @G7 partners.
This is clearly an internal Russian issue.
Our support for Ukraine and @ZelenskyyUa is unwavering.
— Charles Michel (@CharlesMichel) June 24, 2023
