Beqarët në Hollandë që duan kontakt fizik janë këshilluar nga autoritetet, të marrin një “mik seksi”, për të kufizuar ekspozimin ndaj COVID-19.
Instituti kombëtar hollandez për shëndetin publik dhe mjedisin (RIVM) ka lëshuar udhëzime mbi koronavirusin dhe seksualitetin, pasi qytetarët u këshilluan që t’u përmbahen masave distancuese sociale, për të kufizuar përhapjen e pandemisë.
Udhëzimi i ri thotë se megjithëse njerëzit duhet të qëndrojnë 1.5 metra larg njëri-tjetrit në çdo rast, “seksi me partnerin e rregullt është i mundur. Mos bëni seks me partnerin tuaj nëse ata janë izoluar në rastë dyshimi me koronavirus” – thekson udhëzimi.
Për personat single që nuk kanë një partner të rregullt, por që duan të kenë kontakte fizike, RIVM këshillon që ata të kenë kontaktë fizike ose seksuale vetëm me të njëjtin person.
Për të minimizuar më tej rrezikun e kontraktimit të virusit gjatë intimitetit, RIVM u bëri thirrje personave single të bëjnë marrëveshje me këtë person.
Në një pjesë të këshillave që vlen për këdo, RIVM tha gjithashtu se seksi me veten ose me të tjerët në distancë është i mundur./Opinion.al
