Kanë mbetur dhe disa ditë nga përballja Shqipëri-Çeki dhe kombëtarja shqiptare duket se do ë paraqitet me mungesa.
Trajneri Silvinjo është me dhimbje koke pasi ka nisur të bëj llogaritë pa dy lojtarë të rëndësishëm.
Sokol Cikalleshi është dëmtuar në ndeshjen e fundit përballe Ankaraguçu dhe në një deklaratën për shtyp nga klubi i Koniasporit, theksohet se pas ekzaminimeve që i janë bërë sulmuesit nga Kavaja, u konstatua një dëmtim i shkallës së dytë, në kofshën e djathtë.
Rikuperimi i tij kërkon të paktën 2 apo 3 javë. Ende nuk dihet nëse sulmuesi do të jetë pjesë e kuqezinjve më 12 tetor.
Edhe mbrojtësi kuqezi Ardian Ismajli u dëmtua në ndeshjen ndaj Interit dhe u detyrua të largohet nga fusha para kohe. Nuk dihet ende gjendja e tij fizike, por Ismajli pritet t’u nënshtrohet vizitave mjekësore për të mësuar edhe shkallën e dëmtimit.
Probleme ka dhe për Myrto Uzunin, i cili dhe pse u aktivizua në si titullar në duelin ndaj Las Palmas, ishte i dëmtuar dhe rrezikoi disi.
Kujtojmë se kuqezinjtë do të përballen me Çekinë në 12 tetor, në një ndeshje të vlefshme për EURO 2024.
