Doktoreshë Silva Bino është shprehur gjatë mbledhjes Komitetit Teknik të Eksperteve për situatën e COVID-19 se është trefishuar numri i testimeve për të zbuluar rastet aktive.
“Situata duket jo keq, kemi trefishuar testimet këtë muaj dhe është 5% pozivititet. Për shembull kemi nën 5%, pra 3%, një indikator që duhet ta ruajmë, prandaj po marrim masat të rrisim numrin e testimeve dhe të gjejmë rastet aktive. Po përdorim disa metodika të reja për gjetjen aktive të rasteve, duke përfshirë mjekun e familjes. Aktualisht kemi dy qytete transmetim të virusit, Tirana dhe Kruja, dhe vetëm në Shkodër kemi evidentuar raste. Në zonat e gjelbra janë pa raste, pavarësisht rritjes së testimeve“- tha Bino.
Më herët, mjeku Tritan Kalo përjashtoi mundësinë që në vjeshtë vendi mund të përfshihet nga një valë e dytë e koronavirusit./ Opinion.al
