Që prej vitin 2023, kur hyri në fuqi paketa sociale, afro 10 mijë gra të papuna me tre fëmijë, kanë përfituar pagesën falas të kontributeve shoqërore dhe shëndetësore.
Vetëm në vitin 2024 ishin mbi 1200 nena më shumë që përfituan nga kjo mundësi.
“Ky vendim ka hyrë në Janar të 2023 dhe në 2024 kemi rreth 9700 nëna të cilat e kanë përfituar. Në krahasim me vitin 2023, kemi rreth 1200 përfitues të rinj, sepse dhe gratë të cilat kanë përfituar vazhdojnë ta marrin atë deri në momentin që fëmija më i vogël mbush 5 vjec”, thotë Anxhela Bakiasi, përgjegjëse në sektorin e projekteve në Shërbimin Social.
Që një grua me tre fëmijë të përfitojë nga kjo paketë, duhet të përmbushë disa kritere, më kryesorja fëmija më i vogël duhet të jetë nën 5 vjeç.
“Një grua e papunë e cila ka tre ose më shumë fëmijë nën moshën 18-vjeçare, ku fëmija më i vogël është nën 5 vjeç dhe të ardhurat e familjes janë nën 100 mijë Lekë përfiton periudhë sigurimi që zgjat derisa fëmija më i vogël mbush 5 vjec, dhe i mbështet gratë jo vetëm për kalim në tregun e punës por edhe kujdesi ndaj fëmijëve të mos jetë pengesë për pjesën e sigurimit social në të ardhmen”.
Aplikimi nga gratë përfituese bëhet vetëm një here tek e-Albania, më pas janë strukturat shtetërore që përditësojnë listat mujore.
Fondet në dispozicion për këtë politikë për vitin 2024 ishin 865,000 mijë Lekë me një kosto prej 105,427 Lekë/rast.
Tv Klan
