Bilanci i helmimit nga solucioni i banjës, pirë nga rusët në Irkutsk, Siberi, ka shkuar në 117 njerëz, ndërsa 71 prej të cilëve kanë vdekur.
Ngjarja e rëndë ka ndodhur ditën e sotme, 22 dhjetor, një zyrtar lokal, ka konfirmuar se nga helmimi masiv, kanë ndërruar jetë 71 persona.
Lajmi është komunikuar edhe nga zëdhënsja e Ministrisë së Shëndetësisë ruse, Tatiana Lebedeva, e cila tha se në total janë helmuar 117 njerëz që nga fundjava, ndër të cilët 71 gjeten vdekjen.
Sipas autoriteteve, vaji e tregon qartë në etiketë që nuk është i përshtatshëm për t’u konsumuar, sepse përmban metanol, një substancë toksike e përdorur shpesh si antigjel, por që rezulton megjithatë nganjëherë “të konsumohet si alkool” për shkak të çmimit të lirë.
Alkooli i shpërndarë legalisht është shumë i shtrenjtë për miliona rusë.
Çmimi i vodkës i shitur zyrtarisht në treg është bërë i ndaluar për miliona rusë të varfër, konkretisht në provincë ky nivel i jetesës është shumë i dobët.
Sipas vlerësimeve të shumta, rreth 25 milion rusë kanë të ardhura të pamjaftueshme për të blerë alkool në tregun e ligjshëm.
Të mërkurën, presidenti rus, Vladimir Putin urdhëroi qeverinë të shtrëngojë rregullat mbi substancat alkoolizuese që shiten për përdorime farmaceutike apo kozmetike, me qëllim “reduktimin e konsumimit të tyre” si pije alkoolike.
