Sot një ditë pas ngjarjes tragjike në Orlando ku mbetën të vdekur 50 persona dhe 53 të plagosur, bëhen të ditura detajet e masakrës minut pas minuti.
Në oren 02:00 a.m. Omar Mateen hyn në ambientet e klubit të natës “Pulse” dhe fillon të qëllojë me automatikun e tij AR-15.
Të shtënat ishin breshëri dhe ai qëllonte pa mëshirë kë kishte përpara.
Në orë 02:09 a.m. Makinat e policisë kishin arritur në vendngjarje dhe kishin bllokuar rrugën.
Në faqen e Pulse Club në Facebook postohet thirrja: “Dilni të gjith jashtë dhe largohuni me vrap”.
Në orën 02:28 Vrasësi flet me dispeçerin e policisë të numrit 911
dhe shprehet se është simpatizant i ISIS dhe fillon të falet në gjuhe të huaj (arabisht).
Në orën 02:30 Vrasësi ndalon të shtënat dhe qëndron i fshehur brënda në klub në pritje të policisë.
Me sms-të e dërguara nga pengjet, policia mëson se bashkë me vrasësin ishin edhe 5 deri në 8 persona në të njëjtën dhomë dhe se rreth 15 deri në 25 të tjerë ishin në një dhomë tjetër të izoluar.
Në orën 05:00 Policia depërton brënda dhomës së izoluar dhe liron pengjet e para.
Ndërkohë vrasësi i afrohet derës kryesore dhe fillon të qëllojë drejt forcave të policisë.
Policia fillon të shkëmbejë zjarr me vrasësin dhe pas 5 minutash vrasësi qëllohet dhe vdes nga plagët.
Vrasësi – Omar Mateen
Omar Mateen punonte si roje objektesh dhe kishte liçencë për të mbajtur armë. I lindur në SHBA me origjinë Afgane, ai kishte qënë edhe më parë person interesi për FBI në lidhje me disa çështje të cilat ishin mbyllur pas hatimeve.
Masakra e Orlandos tashmë është sulmi me arme zjarri me vdekjeprurës i historisë amerikane me 50 të vdekur dhe 53 të plagosur.
Grafiku më poshtë tregon sulmet tragjike me armë zjarri të ndodhura në SHBA
