Emisioni ‘Opinion’ këtë javë ka patur të ftuar interesant, të cilët përveç atyre që thanë, ranë në sy edhe për paraqitjen e jashtme dhe veshjet.
Tre të ftuarit e kësaj jave që nuk janë komentuar më parë në rubrikën “Si u veshën” dhe do të komentohet këtë herë janë; deputetja e PS Blerina Gjylameti, analisti Artan Hoxha, deputeti i PS Taulant Balla.
Gjylameti ka ardhur në ‘Opinion’ me një fustan të gjatë në ngjyrë të errët, këpucë klasike të zeza, krehje drejtë të flokëve. Ngjyra e fustanit ishte në tonet shumë të errëta të të gjelbrës, i lëshuar, me dekolte të mbyllur dhe mëngë të gjata, kombinim perfekt me ngjyrën e flokëve dhe me gjithë tiparet e saj. U duk një zonjë serioze dhe me shumë prezencë.
Analisti Artan Hoxha duket se së fundmi ka hequr dorë nga kostumet serioze, duke ardhur më konfidencial në veshje. I veshur në tonet e blusë; me xhaketë blu, poshtë saj bluze në po të njëjtat tone dhe pantallona të zeza. Duket se veshje të tilla e tregojnë më modern dhe i përshtaten me tipin dhe tiparet, i shkojnë edhe më shumë se sa kostumet serioze.
Deputeti Taulant Balla është i përzgjedhur i fundit; si fillim binte në sy kollarja e tij e cila ishte me disa detaje tepër interesante dhe tendencë; në ngjyrë të mes portokallisë e të verdhës, kafes dhe blusë. Kostumi në ngjyrë blu me kuadrate të lehtë gri, ishte përshtatur mjaft mirë me këmishën në tonet grisë. Duket se këtë herë Balla kishte bërë një kombinim të mirë ngjyrash, i shkonin shumë përshtat pamjes dhe tipareve të tij.
Më poshtë sjellim edhe të ftuarit e tjerë të kësaj jave në panele, jepni edhe ju komentin tuaj në facebook për të veshurit më mirë dhe më keq gjatë kësaj jave në studion e ‘Opinion’./Gerta Zaimaj-Opinion.al
