TIRANË- Disa kompani nafte kanë njohur rritje të administrueshme të fitimeve të tyre që datojnë nga viti 2013. Ato ose janë themeluar në këtë vit ose janë themeluar më herët por kanë qenë minore. Këto kompani janë duke konkuruar bindshëm kompani që kanë vite në treg dhe që kanë bërë investime të mëdha, duke lënë dyshime për konkurencë e pandershme.
Le të analizojnë ekstraktin e QKR. Shohim se kompania Everest Oil SHA në vitin 2012 raportonte shitje-vjetore në vlerën rreth 3.3 miliardë lekë.
Po në 2013? Në këtë vit shitjet shkojnë në vlerën e 16.3 miliardë lekë.
Po fitimet e kësaj kompanie sa janë? Në vitin 2012 ka qenë 19 milionë lekë ndërsa në vitin rezulton të ketë fituar 204 milionë lekë. Pra shihet qartë se aksioneri Gjergj Bojaxhi dhe ortakja tjetër e Everest Oil, Jola Bojaxhi (gruaja) kanë 10- fishuar fitimet gjatë qeverisjes së majtë.
Interesante janë edhe shifrat e vitit 2014 për këtë kompani. Everest Oil në vitin 2014 ka arritur të fitojë 282 milionë lekë ose 78 mln më shumë se në vitin 2013. Kjo kompania ka kapur tregun e shumicës dhe nuk ka pika karburanti për tregtinë me pakicë.
Kush është pronari? Një emër i njohur. Gjergj Bojaxhi politikan, ish-drejtori i KESH (2007-2009) kur vendi qeverisej nga Sali Berisha. Ndërsa në vitin 2015 ai u shfaq si i pavarur ku hodhi kandidaturën për kryetar bashkie në Tiranë.
Shifrat e përdorura në këtë shkrim janë marrë në faqen online të QKR. Open data dhe revista monitor kanë bërë gjithashtu analiza për kompanitë e naftës dhe ndryshimet që ato kanë pësuar në treg. /opinion.al/
