Sulmi i fundit terrorist në një klub nate në Stamboll në mbrëmjen e ndërrimit të viteve shuajti çdo shprese se viti 2017 do të jetë një vit i mirë për Turqinë, e cila gjatë 2016 u bë dëshmitare e një vale sulmesh, ku qindra njerëz kanë humbur jetën. Shumica e këtyre sulmeve janë kryer nga ISIS dhe PKK, dy grupe të njohura si organizata terroriste. 18 janë sulmet kryesore në Turqi, ku në muajin Maj dhe qershor kane qenë më të shpeshta.
Në 12 Janar të vitit që lamë pas një sirian shpërtheu një bombë në sheshin Sultanahmet të Stambollit, një zonë e njohur turistike, ku ndodhet Xhamia Blu. 13 persona u vranë dhe 16 u plagosën. ISIS mori përgjegjësinë për sulmin.
Në 17 Shkurt 2016 një autobombë shpërtheu në Ankara duke vrarë 28 persona dhe plagosur 61 të tjerë. Në shënjestër ishin personeli ushtarak dhe civil. ATK, një degë e PKK-së, mori përgjegjësinë për sulmin.
Një nga sulmet me vrastare ishte ai në aeroportin Ataturk me 28 qershor në Stamboll ku humbën jetën 35 persona dhe u plagosen me shumë se 100.
Një kaos i vërtetë dhe panik ndërkombëtare solli grushti i dështuar i shtetit me 15 korrik, ku veç gjithë kaosit, humbën jetën më shumë se 300 persona, ndërsa mijëra janë ende në burgjet turke.
Dhjetori ishte muaji i fundit i tmerrshëm për Stambollin. Tridhjetë e tetë persona u vranë dhe 155 të plagosur pas dy shpërthimeve jashtë Arena Stadium Vodafone në qendër të Stambollit.
Tv Klan
