Ndarja është një pjesë shumë e vështirë në çdo stinë në fakt. Por të ndahesh gjatë muajve të verës, kjo është akoma edhe më e vështirë. Ju së bashku kishit planifikuar pushimet, do vizitonit gjithë ato vende, dhe në fund në vend të këtyre gjërave ju e gjeni veten vetëm, pa asnjë plan dhe pa asnjë motiv. Kjo të dhëmb sigurisht, ndoshta të dyve njësoj apo njërit prej jush më shumë.
Sigurisht që nuk ka asnjë fjalë që mund t’ju ngushëllojë për momentin, dhe akoma më të shëmtuar situatën e bëjnë rrjetet sociale. Çdo foto plazhi e postuar nga miqtë tuaj është si një dush i ftohtë për ju. Pikë së pari largojeni ishin tuaj nga çdo rrjet social. Mund të shihni që ai po kalon një kohë të bukur dhe kjo do ju vrasë edhe më shumë. Më pas filloni të eliminoni qëndrimin në rrjetet sociale, sa më pak të shihni aq më mirë është.
Fshini çdo mesazh me ishin tuaj, dhe numrin sa më shpejtë. Nuk është gjëja më e mirë e mundshme ti dërgoni mesazhe çdo sekondë. Nëse ndarja nuk ka qenë e sqaruar, do ju lëndojë por me kalimin e kohës do e pranoni.
I keni parasysh ato kilogramët e tepërt që prej vitesh ishit betuar se do i hiqnit, por ishit aq rehat dhe të dashuruar sa nuk ja vlente? Epo tani është koha. Ju do dobësoheni dhe do filloni të pëlqeni këtë pjesë të vetes, edhe pse jo në mënyrën me të shëndetshme të mundshme. Ky është momenti kur ju i drejtoheni dyerve të palestrës dhe gjithë inatin e akumuluar shpreheni aty.
I gjithë qyteti ju kujton atë? Edhe kjo ta shpif, por në këtë rast thjesht përballuni me të. Është koha që cepat e qytetit tju kujtojnë sërish veten.
Në fund mendoni që shtatori do të vijë përsëri dhe do ju marrë rutina e jetës. Mos harroni të qani sa më shumë. Nuk ka dhimbje që nuk nxirret me lot./Opinion.al
