Si të përgatitemi për tu mbrojtur nga terrorizmi? Është sot një temë e pashmangshme që prej natës së zezë të 13 Nëntorit në Paris.
Zyrtarët në mbarë botën tani ofrojnë udhëzime për sigurinë. Ata thonë se duhet bërë kujdes dhe njerëzit duhet të marrin seriozisht kërcënimet që vijnë nga terroristët e ISIS.
Ja çfarë thanë zyrtarët francezë dhe zyrtarët amerikanë në lidhje me kërcënimet për sulmet terroriste
Franca: Mos keni frikë!
Presidenti francez Francois Hollande, një ditë pas sulmeve iu drejtua popullit: “U bëj thirrje për unitet, të qendroni sëbashku dhe të qetë”. Por ndërsa kërkon të ruhet qetësia, Hollande deklaron se “po kalojmë një emergjencë kombëtare dhe se sulmet ishin një akt lufte”.
USA: Kthejeni frikën në “vetëdije”
Në një fjalim televiziv Prokurori i Përgjithshëm amerikan tha se autoritetet duhet të marrin seriozisht të gjitha kërcënimet. Terroristët, sipas tij janë rrezik potencial, por sakaq drejtori i FBI ka deklarur se agjencia e tij nuk është në dijeni për ndonjë kërcënim të ngjashëm me atë të Parisit.
Zyrtarët amerikanë gjithashtu u kanë bërë thirrje qytetarëve të mos pushtohen nga frika. “Ata (terroristët) duan që ne të jetojmë me frikë, dhe ne i refuzojmë”, ka thënë shefi i FBI. Qytetarët duhet të raportojnë tek autoritetet çdo aktivitet të dyshimtë, që dëgjojnë apo lexojnë në rrjetet sociale.
Guvernatori i Nju Jorkut, Bill de Blasio ka inkurajuar qytetin më të populluar amerikan të vijojnë jetën normale. “Populli i Nju Jorkut s’mund të jetojë me frikë”, ka deklaruar ai, pas kërcënimeve online të terroristëve islamik. /CNN/
