Kosova dhe Serbia po kalojnë një proces të vështirë të dialogut në Bruksel që ka ngecur pothuajse plotësisht për shkak të moszbatimit të marrëveshjeve dhe paqartësive rreth formatit.
Sakaq, ministri i Jashtëm, Behxhet Paccolli po tenton të vendosë paqen me themelimin e një Komisioni për Promovimin e Paqes. Në krye të këtij Komisioni, Behxhet Pacolli ka emëruar një gazetare, shkrimtare nga Shqipëria, Klara Buda. Gazeta Express siguron dokumentin ku në pikën 6 thuhet se është ngarkuar një gazetare nga Shqipëria për këtë detyrë.
Çfarë do të bëjë ky këshill?
Këshilli ka detyrë promovimin e Paqes në mes të Kosovës dhe Serbisë. Do të hartojë një platoformë të funksionimit dhe të aktiviteteve vjetore, të cilat do të organizohen nga ky këshill.
Këshilli për Promovimin e Paqes në mes të Kosovës dhe Serbisë mund të kërkojë donacione për të mbështetur aktivitetet e tij.
Bisedimet Kosovë–Serbi ka kohë që ndërmjetësohen nga Brukseli me një shtytje te fuqishme nga Washingtoni. Palët kanë nënshkruar disa herë marrëveshje, por ato shpesh kanë ngecur për shkak të mungesës së vullnetit politik.
